FÆST Í EYMUNDSSON og WHY NOT LAGO Á GRAN CANARIA
Fáir staðir í Evrópu státa af jafn hlýju og stöðugu veðurfari og Kanaríeyjar enda hefureyjaklasinn verið vinsæll áfangastaður sóldýrkenda í áratugi, ekki síst eyjan Gran Canaria. Á eyjunni er að finna mikla fjölbreytni bæði í landslagi og afþreyingu, sem gerir Gran Canaria að afar spennandi áfangastað fyrir fólk á öllum aldri allt árið um kring.
Í þessarri bók gefur fjölmiðlakonan Snæfríður Ingadóttir, sem ferðast árlega til Kanaríeyja með fjölskyldu sinni, lesendum hugmyndir að ýmsu áhugaverðu sem gaman er að skoða og upplifa á Gran Canaria.
Ef þú ert á leið til Gran Canaria og vilt fá meira út úr ferðalaginuþá mun þessi bók tvímælalaust veita þér innblástur!
Í bókinni koma meðal annars við sögu: Kaktusar - Hellar - Gönguleiðir - Markaðir - Saltnámur -Romm - Skemmtigarðar - Pálmatré - Sandhólar - Kaffi - Sjávarlaugar - Baðstrendur - Fjallaþorp - Tapas - Sykurreyr - Kúrekar.
160 bls. Fjöldi litljósmynda prýða bókina sem og gróft kort af eyjunni.
Gran Canaria - Komdu með til Kanarí
Bókin er póstlögð frá Akureyri. Það tekur Póstinn yfirleitt 5-10 daga að koma bókunum á réttan stað innanlands, fer svolítið eftir staðsetningu og hversu oft er borið út á viðkomandi stað. Bókin fæst líka í flestum verslunum Eymundsson.