Hefur þig dreymt um að búa á Spáni? Í þessari bók færðu upplýsingar sem hjálpa þér við að vega og meta drauminn betur og hvort þú eigir að taka fyrstu skrefin í átt að nýju lífi á Spáni. Í bókinni er farið yfir helstu þætti í undirbúningsferlinu og grunnupplýsingar gefnar varðandi hvað hafa ber í huga.
Kostir og gallar við búsetu á Spáni
NIE, Residencia og Padrón
Skattamál og sjúkratryggingar
Örorkulífeyrir og ellilaunAtvinna, skólamál og barnagæsla
Húsnæði, búslóð og bíll
Daglegt líf
Snæfríður Ingadóttir hefur starfað sem blaðamaður í meira en 20 ár. Hún hefur skrifað ferðahandbækur um Tenerife og Gran Canaria, sem og handbækur um Ísland fyrir erlenda ferðamenn. Snæfríður hefur sérstakan áhuga á Spáni, hefur ferðast mikið til Kanaríeyja og bjó um tíma á spænsku eyjunni Tenerife. Hugmyndin að bókinni kviknaði þegar hún þurfti sjálf að ganga í gegnum það ferli að sækja um spænska kennitölu, skrá börn sín í spænskan skóla og huga að skattamálum.
Bókin er 132 bls. og er sett upp á aðgengilegan og auðskiljanlegan hátt.
Auk hreinna upplýsinga er í bókinni að finna fjölda reynslusagna frá Íslendingum sem flutt hafa til meginlands Spánar og kanarísku eyjanna.
Ath: Takmarkað prentupplag. Bókin er líka til sem rafbók.
Spánn - Nýtt líf í nýju landi
Bókin er póstlögð frá Akureyri næsta virka dag. Það tekur Póstinn yfirleitt 5-10 daga að koma bókunum á réttan stað innanlands, fer svolítið eftir staðsetningu og hversu oft er borið út á viðkomandi stað. Ef pöntunin er erlendis frá er bókin póstlögð frá Tenerife.